Dita e sotme ka nisur me shira të dendur që kanë përfshirë vendin tonë, duke krijuar vështirësi në shumë zona.
Sipas raportimeve situata më problematike është në Lezhë, ku disa fshatra përreth qytetit janë nën ujë.
Edhe disa lagje brenda qytetit janë përfshirë nga përmbytjet duke shkaktuar vështirësi qarkullimi të mjeteve dhe të qytetarëve.
Ndërsa ende nuk raportohen probleme në zona të tjera edhe pse intensiteti i reshjeve ka ardhur në rritje.
