Të gjithëve na ka ndodhur që të dalim për t’u argëtuar natën deri vonë dhe të kthehemi në shtëpi e të flemë me grim në fytyrë.
Por ABCNews ka zbuluar se ajo çfarë ndodh kur bini për të fjetur me grim në fytyrë nuk është aq e mirë.
Nëse keni fjetur rregullisht me grim në fytyrë, është koha që mos ta bëni këtë më, transmeton Gazeta Express.
ABCNews pyeti dermatologen Mona Gohara, për të treguar se çfarë ndodh nëse një femër bën gjumë me grim të vendosur në fytyrë. Ajo shpjegoi: “Lëkura e përdorë gjumin si një mundësi për t’u shëruar nga dita – dhe grimi e bën këtë më të vështirë. Duke e lënë grimin në fytyrë, krijohet një barrierë që mund të çojë në akne”.
Dhe rreziku nga fjetja me grim në fytyrë shkon përtej kësaj. Kombinimi i radikaleve të lira dhe grimit ka treguar se shkakton plakje të parakohshme të lëkurës – madje, ‘llajneri i syve’ mund të çojë në irritim të syrit nëse nuk hiqet para gjumit.
