Eneda Tarifa do të përfaqësojë Shqipërinë në Eurovision 2016 në Stokholm të Suedisë.
Pasi u shpall fituese në Festivalin e Dhjetorit në Tiranë, Eneda Tarifa me këngën “Përrallë” ka fituar të drejtën për të përfaqësuar Shqipërinë në Eurovision 2016.
Këngëtarja shqiptare i ka realizuar edhe klipin këngës dhe e ka kënduar atë në gjuhën angleze, me titull “Fairytale” dhe videoklipi është publikuar dje në kanalin zyrtar të Eurovisionit në Youtube.
Një ditë pas publikimit kënga ka grumbulluar vetëm 51 mijë klikime dhe ajo që bie në sy janë “disliket”, ata që nuk e kanë pëlqyer këngën.
Nga të gjithë ata që e kanë shikuar këngën në Youtube, deri tani janë 1,544 që e kanë pëlqyer dhe 1,872 që nuk e kanë pëlqyer.
Kujtojmë se kënga e vitit të kaluar kënduar nga Elhaida Dani edhe pse nuk u radhit mirë në finale dhe pati probleme me këndimin live, ajo deri më tani është dëgjuar më shumë se 7,3 milionë herë, shkruan lajmi.net.
Mbetet të shihet suksesi i Shqipërisë këtë vit në Eurovision i cili mbahet në datat 10, 12 dhe finalja më 14 maj, ku konkurrenca këtë vit është shumë e fortë.
