Deputeti Lefter Maliqi ka reaguar pasi kreu i qeverisë, Edi Rama u takua me Presidentin Ilir Meta për çështjen e datës së zgjedhjeve.
Në një postim në FB, Maliqi shkruan:
“Ramziu që lëshonte zjarr nga goja për Presidentin, shkoi sot i maskuar zi, (sepse ajo fytyrë nxin edhe e mbuluar), te Kreu i Shtetit.
Çfarë i ndodhi Ramziut që u zbyth sa hap e mbyll sytë?
Çudia nisi që dje, që deklaroi nga Vlora se marrëveshja e detit me Greqinë nuk kalon pa miratimin e Presidentit.
Ramziut nuk i kanë dalë mirë llogaritë, është bindur që nuk merr asnjë votë nga shqiptarët, dhe kushedi për ça i punon mendja tani, që shkon si ‘cjapi te kasapi’ te Presidenti.
Opozita e Bashkuar po e lë pa gjumë Ramziun dhe pagjumësia e ka lemerisur, sepse sheh makthe me zullumet e krimet që i ka bërë këtij vendi.
Tani është Ramziu që nuk ka parë gjë akoma…”
