Kryetari i Bashkisë së Tiranës Erion Veliaj në një kronikë të përgatitur që dje dhe të transmetuar sot për të treguar që kryebashkiaku punon edhe në fundjavë, ka sulmuar sërish mediat duke bërë rolin e viktimës.
“E di që shumë qytetarë janë të shqetësuar nëse bashkia do të fillojë të politizohet e të merret me fushatën e sharjeve e shpifjeve. Dua t’i siguroj ata se jam i fokusuar dhe nuk ka asnjë sharje, shpifje dhe asnjë sulm politik që më bën të devijoj nga misioni për t’i shërbyer qytetarëve të Tiranës”, tha Veliaj duke mos e përmendur kurrë vdekjen e 17-vjeçarit në landfillin e Sharrës.
