Ministria e Jashtme Ruse u shfaq e gatshme të komentojë mbi akuzat të Mërkurën. Zëdhënësi Maria Zakharova fajësoi Gjermaninë për mos ndarjen e “një materiali të vetëm” me autoritetet ruse.
“Ne nuk kemi asgjë për t’iu përgjigjur”, tha ajo, duke shtuar se çështja Navalny nuk kishte “asnjë lidhje me kërkimin shkencor mjekësor … është thjesht një histori politike”.
Sekretari i shtypit i Kremlinit Dmitry Peskov më herët i tha agjencisë së lajmeve TASS se qeveria ruse tani për tani nuk kishte marrë asnjë informacion nga autoritetet gjermane mbi hetimet e tyre.
Kremlini më parë ka hedhur poshtë sugjerimet se Navalny ishte helmuar nga autoritetet ruse, duke i përshkruar pretendimet si “zhurmë boshe”.
Leonid Volkov, një ndihmës i lartë i Navalny, postoi në Twitter: “Në vitin 2020, helmimi i Navalny me Novichok është saktësisht i njëjtë me lënien e një autograf në një skenë krimi”. Postimi i tij përfshinte një fotografi të emrit dhe nënshkrimit të Presidentit Rus Vladimir Putin.
