Trajneri i kombëtares shqiptare, Xhani De Biazi, ka dhënë një intervistë për gazetën e njohur italiane “Tuttosport” duke folur kryesisht për ekipin e Torinos, teksa ka vlerësuar shumë punën e trajnerit serb Mihajloviç. Por ai nuk mund të linte pa përmendur edhe kombëtaren shqiptare, duke prekur çështjen e ndeshjes ndaj Italisë në marsin e 2017-s.
“Do të më pëlqente që ndeshja të luhej në veri. Ndoshta në Torino, ku u luajt dhe ndeshja Itali-Spanjë, ose edhe në Verona. Gjithashtu nuk do të ishte keq as në Udine apo Bolonja, biles në Bolonja do të shkoja me më shumë dëshirë se në çdo qytet tjetër”, është shprehur De Biazi, raporton Panorama Sport.
Ndeshja Itali-Shqipëri do të jetë e 5-ta në radhë më Grupin G kualifikues, teksa në rast të një fitoreje të kuqezinjve ndaj Izraelit në nëntor, do të shndërrohej në një ndeshje direkte në garën për vendin e dytë në grup, vend që do të siguronte një biletë për në play-off.
