Një fëmijë vetëm 2 vjeç ka rënë nga ballkoni i banesës së saj në qytetin e Beratit. Ajo është transportuar më pas në spital dhe ndodhet jashtë rrezikut për jetën.
Vogëlushja ishte duke luajtur në banesë lagjen “30 Vjetori”. Një lodër e saj ka rënë nga ballkoni. Vajza, duke tentuar të kapë lodrën ka rënë nga ballkoni. Gjyshja e vajzës, që ndodhej pranë saj kur ka ndodhur ngjarja, nuk ka mundur të evitojë aksidentin.
Vajza ka mbërritur në spital rreth orës 14:30 me shembje në pjesë të ndryshme të trupit. Sipas mjekëve, ajo ndodhet jashtë rrezikut për jetën.
