Një aksident ndodhi mëngjesin e sotëm në aksin rrugor Burrel – Klos. Një mjet i tonazhit të rëndë u përplas me një autoveturë në fshatin Zall-Shoshaj duke shkaktuar disa të lënduar dhe një trafik deri në 3 kilometra, që zgjati rreth dy orë.
Kjo nuk është hera e parë që në këtë zonë ndodhin aksidente. Mungesa e sinjalistikës së nevojshme sjell aksidente sidomos për ata që nuk e njohin rrugën. Pak kohë më parë, në këtë aks për pak sa nuk u shkaktua një tragjedi, ku një mjet doli nga rruga për t’ju shmangur përplasjes, duke përfunduar në humnerë.
