Aktorja turke Bensu Soral, e cila njihet si “Melek” nga seriali i “Infiltruari”, së fundmi është detyruar ti nënshtrohet një operacioni.
Aktorja ka pësuar një aksident gjatë pushimeve të saj në Gocek, ku ndodhej me bashkëshortin e saj, Hakan Bas. Si pasojë, Bensu pas konsultave me mjekun ka operuar shpatullën.
Aktorja përmes disa postimeve në Instagram ka njoftuar ndjekësit e saj se operacioni ka shkuar shumë mirë dhe ajo është mirë më shëndet.
“Dua të falenderoj të gjithë ata që u shqetësuan dhe më pyetën. Kam bërë një operacion të vogël në shpatull pas një dëmtimi. Nuk ka asgjë për t’u shqetësuar, tani jam më mirë”, shkruan Bensu bashkëngjitur fotos ku shfaqet në shtëpi së bashku me qenushin e saj.
