Këtë vit, ceremonia e ndarjes së çmimeve në MTV Video Music Awards dukej shumë më ndryshe në krahasim me vitet e kaluara. Ajo u zhvillua jashtë në Los Anxhelos, në Kaliforni, për sigurinë e të gjithëve për shkak të pandemisë së Covid-19.
Këtë vit mungonte edhe audienca e madhe që jemi mësuar të shohim zakonisht. Për shkak të përpjekjeve për të ruajtur distancimin social, shumica e shfaqjeve ishin të regjistruara paraprakisht.
Sidoqoftë, yjet pozuan në tapetin e kuq dhe ishin Miley Cyrus dhe Lady Gaga ato që udhëhoqën listën e të veshurave më bukur të dielën në mbrëmje. Miley kishte zgjedhur një fustan që dukej si i thurur me pasqyra, ndërkohë që linjat e saj mund të viheshin re fare lehtësisht për shkak se fustani ishte edhe i tejdukshëm. Ndërsa Gaga kishte veshur një fustan ngjyrë argjendi dhe në fytyrë mbante po ashtu një maskë.
Bebe Rexha tërhoqi vëmendjen pasi kishte veshur një palë streçe çiklistësh dhe një xhaketë të zezë, ku sipas saj, kjo veshje e bënte të ndihej shumë rehat.
Bella Hadid gjithashtu u shfaq me një look të veçantë me pantallona të zeza dhe me një bluzë të tejdukshme.
Mëposhtë keni edhe disa nga paraqitjet e yjeve që ishin pjesë e MTV Video Music Awards:
