Komisariati i Krujës ka proceduar një 40-vjeçar për veprën penale “Ndotja e ajrit”.
Policia njofton se, specialistët për Hetimin e Krimeve në Komisariatin e Policisë Krujë, në vijim të punës për parandalimin e krimeve mjedisore, proceduan penalisht shtetasin: A. B., 40 vjeç, banues në Fushë Krujë.
Ai u konstatua nga shërbimet e Policisë në vendin e quajtur “Makarash”, Krujë, duke djegur mbetje të lëndëve drusore në një gropë gëlqereje, shtuan të njëjtat burime.
