Zgjedhjet parlamentare po mbahen sot në Mal të Zi, në të cilat marrin pjesë gjashtë koalicione dhe pesë parti politike. Zgjedhjet lokale po mbahen në Budva, Kotor, Tivat, Andrijevicë dhe Guci.
Deri në orën 19:00, 74.9% e qytetarëve kanë dalë në votime. Në zgjedhjet e vitit 2016, dalja ka qenë 71.6%.
Në Podgoricë kanë votuar 77.7 %, në veri të Malit të Zi 77.7 % kurse në jug 71,2 % e votuesve.
Në Mal të Zi, këto zgjedhje parlamentare po konsiderohen shumë të rëndësishme. Shqiptarët po ashtu po garojnë në këto zgjedhje ndërsa është bërë apel për dalje masive.
