80-vjeçari Dud Çaça ka humbur jetën si pasojë e një aksidenti ndodhur mbrëmjen e djeshme rreth orës 20:40, në Synej të Kavajës.
I moshuari ishte duke ecur anës rrugës, kur u përplas nga një motor që drejtohej nga 36-vjeçari Durim Tatani.
Të dy personat kanë marrë plagë të rënda dhe janë dërguar menjëherë drejt spitali të Durrësit, e më pas drejt Tiranës.
Si pasojë e plagëve të marra, 80-vjeçari ka ndërruar jetë në orët e para të mëngjesit të sotëm ndërsa drejtuesi i motorit ndodhet në gjendje të stabilizuar nën kujdesin e mjekëve në Spitalin Ushtarak.
36-vjeçari është ndaluar me akuzën e shkeljeve të rregullave të qarkullimit rrugor me pasojë vdekjen.
