Një 52-vjeçar nga Korça u arrestua për veprën penale “Ndihma për kalim të paligjshëm të kufirit, kundrejt fitimit”.
Policia sqaron se ai do transportonte drejt Kosovës një familje që kishte hyrë ilegalisht në vendin tonë, nga Greqia.
“Në aksin rrugor Librazhd-Elbasan, shërbimet e Policisë kapën në flagrancë shtetasin F.K., 52 vjeç, banues në Korçë, i cili transportonte një familje me 5 pjestarë nga Afganistani, të cilët i kishte marrë në Korçë dhe po i transportonte në drejtim të kufirit të Kosovës, kundrejtë fitimit 200 € për person”, njoftoi policia.
Arrestime të ngjashme kanë ndodhur shpesh muajt e fundit. Vendi ynë është kthyer tashmë në tranzit për kalimin e shumë refugjatëve nga vendet e treta drejt Europës.
