Në mes të betejës me kancerin e zorrës së trashë, Chadwick Boseman jo vetëm që vazhdoi të xhironte filma, por gjithashtu u sigurua që të inspironte fëmijët. Aktori i “Black Panther” vizitoi spitalin e fëmijëve St. Jude Children’s Research Hospital në Tennessee në vitin 2018.
“U pikëlluam kur dëgjuam për vdekjen e mikut tonë Chadwick Boseman. Dy vite më parë, Chadwick vizitoi kampusin St. Jude dhe solli me vete jo vetëm lodra për pacientët tanë, por edhe gëzim, guxim dhe frymëzim,”-shkroi spitali në postim në Instagram.
Boseman u diagnostikua me kancer në 2016 dhe në katër vite aktori nuk është dorëzuar por vazhdoi të realizonte filma ndërsa i nënshtrohej kimioterapisë dhe operacioneve.
Në vitin 2018, Boseman tha për SiriusXM se kishte komunikuar me dy djem me sëmundje të pashërueshme gjatë gjithë xhirimeve të “Black Panther”. Djemtë dhe prindërit e tyre i thanë aktorit se po përpiqeshin të qëndroni në jetë deri sa filmi të dilte.
