Trajneri i kombëtares shqiptare, Edi Reja ka shpallur sot listën me futbollistët e ftuar për 2 sfidat e radhës, të vlefshme për Ligën e Kombeve, ndaj Bjellorusisë në (4 shtator) në Minsk dhe ndaj Lituanisë në (7 shtator) në Tiranë.
Lista vjen me surpriza siç është Armando Broja, pasi sulmuesi 19-vjeçar është grumbulluar për herë të parë.
Kujtojmë që më herët Broja ka qenë pjesë e Kombëtareve të moshave, teksa do të kërkojë debutimin e ëndrrave me fanellën kuqezi.
Sezonin që shkoi Broja debutoi në Premier Ligë më fanellën e Çelsit. Një arritje mjaft e madhe kjo për futbollistin 19-vjeçar.
