Një plagosje me thikë ka ndodhur një ditë më parë në plazhin e Durrësit. Një 29-vjeccar, tanimë në kërkim policor ka goditur me thikë një 34-vjeçar. Ky i fundit po merr mjekim në spital.
“Specialistët Për Hetimin e Krimeve në Komisariatin e Policisë Durrës, bën shpalljen në kërkim të shtetasit E.Sh., 29 vjeç, banues në fshatin Shoshaj, Burrel, pasi më datë 26.08.2020, në lagjen nr.14, Durrës, pas një konflikti për motive të dobëta, ka goditur me mjet prerës (thikë), shtetasin A.K., 34 vjeç, banues në Martanesh, Burrel, i cili ndodhet në spital nën kujdesin e mjekëve”, njoftoi policia.
Ndaj autorit rëndon akuza për veprën penale “Plagosje e rëndë me dashje”.
