Mëngjesin e sotëm Durrësi, por jo vetëm është tronditur nga aksidenti tragjik që u mori jetën 4 personave, të gjithë në 40 vjeç.
Dashnor Deliallisi është personi që shkaktoi aksidentin, pasi po udhëtonte në sens të kundërt, madje policia i ka bërë shenjë që të ndalonte, por ai e ka rritur shpejtësinë duke mundur të largohet për të shkaktuar më pas aksidentin fatal që i mori jetën atij dhe tre vajzave që udhëtonin me një automjet tip Benz.
Një miku i tij ka kontaktuar me redaksinë e Jetaoshqef.al, për të dhënë më shumë detaje për të.
Në lagjen e tij, Dashnori njihej si Toni Montana, për shkak të jetës që ai bënte. Raportuesi shkruan se ai ishte i çmendur pas makinave dhe i pasionuar pas shpejtësisë, gjë që e tregojnë edhe fotot e mëposhtme.
Përveç kësaj, Dashnori Deliallisi bënte një jetë mjaft luksoze, gjë për të cilën përflitej shumë në qytetin e Durrësit.
Vishej gjithmonë me rroba të shtrenjta dhe udhëtonte shpesh, ndërsa nuk dihet me saktësi puna që bënte, si dhe frekuentonte shpesh klubet e natës në Durrës.
