Këngëtarja Rona Nishliu feston sot ditëlindjen. Në këtë ditë të bekuar të sajën, ajo ka ndarë një lajm shumë të ëmbël me të gjithë.
Përmes një foto të publikuar në Instagram, ku shfaqet teksa po shijon perëndimin e diellit me vajzën, Rona ka treguar se është shtatzënë.
Ajo nuk e ka zbuluar gjininë e fëmijës, por ka theksuar se nuk ka bekim më të madhë.
“Sot në ditën e lindjes, du të ndaj me ju dhuratën më të bukur të jetës, bekimin e parë me emrin Noa dhe të dytën/in që e pres me padurim. Mrekullisht, Noan në krahë gjersa tjetra/i rritet brenda meje. Nuk paska bekim më të madh se sa kjo dhunti që bën gruan, krijesën më të veçantë mbi gjithë tjerat! Faleminderit për kujdesin dhe urimet e panumërta e të ndjera, ju dua shumë”, ka shkruar Rona.
Kujtojmë që më herët, Nishliun e ka uruar nëna e saj me disa fjalë tepër prekëse.
“Ty Rona, dhurata e urata ime e parë nga perëndia, që më sjellë gëzime pafund, të qoftë me fat dhe gëzuar ditëlindja . U bëfsh 100 vjeçe me krejt të mirat që ti si nanë ia dëshiron Noas tënde”, shkruan nëna e këngëtares.
