T’i shpëtojmë mrekullisht virusit Covid-19, është ajo që lutemi sot të gjithë, por pasojat që lë ai janë të rënda deri në invalidizim. Ky është alarmi që po japin sot mjekët duke kërkuar rritje të kujdesit.
Epidemiologu Dritan Ulqinaku gjatë një prononcimi për gazetën “Shqip” tha se pacientët që ia dalin t’i mbijetojnë virusit, në periudhën post covid i duhet të trajtojnë dëmet që ka shkaktuar ai në organizëm.
“Po hasim raste me invalidizime në këmbë, pamundësi në lëvizje, infeksione të rënda në sy, dëmtime në veshka, të gjitha këto pasoja të sulmit të virusit në organizëm. Kjo periudhë zgjat shumë më tepër pasi organizmi do kohë të rikthehet në parametrat e parë”, thotë Ulqinaku.
Një prej këtyre rasteve është dhe një 43-vjeçar, i cili pasi kaloi një muaj trajtim me terapinë kundër Covid, pësoi infeksion të rëndë në sy duke rrezikuar shikimin.
Mjeku Ulqinaku thotë se ka plot raste të tilla të invalidizuara që nëse nuk mjekohen si duhet dhe menjëherë, atëherë pasojat janë t? parikuperueshme.
