Ish-bosi i Formula 1, Flavio Briatore, është shtruar në spitalin San Raffaele në Milano pasi rezultoi pozitiv me Covid-19. “L’Espresso” shkruan se sipërmarrësi ndodhte në spital që nga dita e hënë dhe se gjendja e tij shëndetësore është mjaft serioze, por nuk ndodhet në terapi intensive.
Shpërthimi i koronavirusit në lokalin e miliarderit:
Ditët e fundit janë zbuluar disa raste të reja me Covid-19 në lokalin në pronësi të Briatore, i cili është një nga njerëzit më të pasur dhe të njohur në Itali. Aty ishin regjistruar mbi 60 rste, nga të cilat 52 vetëm në orët e fundit.
Gjithashtu në Porto Cervo, një tjetër lokal historik u mbyll dje nga menaxheri pasi u shfaq një rast pozitiv me koronavirus mes stafit.
Rastet në Sardenja:
Në ditët e fundit në Sardenja kanë qenë të shumta rastet e reja pozitive me Covid-19. Pasi qëndroi disa kohë pa ndonjë rast të ri, ky vend u kthye në një nga vatrat kryesore në Itali, veçanërisht për shkak të turistëve që frekuentojnë lokalet e natës.
