Gardianët që torturuan Ilia Karelin në burgun grek duket se ia kanë hedhur më së miri, pasi gjykata lehtësoi pozitën e tyre duke i shfajësuar nga dhunimi për vdekje i shqiptarit.
Kështu, gjykata i është referuar ekspertizës sipas së cilës vdekja e Karelit nuk ka ardhur si pasojë e torturës në burg, por nga një infarkt në zemër.
Gjykata pranoi kërkesën e prokurores Joanna Zografou për ndryshimin e akuzës nga tortura me pasojë vdekjen në tortura me pasojë plagosje të rëndë.
Sipas vendimit të gjykatës 6 gardianë dënohen me nga 5 vjet burg secili, 3 gardianë me 6 vjet burg dhe 3 të tjerë me 7 vjet burgim secili, ndërsa drejtori që u akuzua për moskallëzim krimi u shpall i pafajshëm.
Mësohet se gardianët do të vazhdojnë të jenë të lirë, derisa të japë vendimin Gjykata e Apelit.
