Arrestohet 30-vjeçarja që dhunoi dhe kërcënoi një vajzë të re në Shkodër, pas pohimeve të kësaj të fundit se kishte shkuar me burrin e saj.
Përveç dhunës, 30-vjeçarja ka mendur ta filmojë dhe të postojë pamjet në rrjetet sociale, duke denigruar figurën e 22-vjeçares.
“Shërbimet e Komisariatit të Policisë Shkodër, menjëherë pas marrjes së kallëzimit nga shtetasja B. RR., se shtetasja M.Gj. 30 vjeçe, banuese Shkodër, e kishte kërcënuar, dhunuar, filmuar dhe i kishte shpërndarë në rrjetet sociale videon, menjëherë kanë bërë kapjen dhe arrestimin në flagrancë të 30-vjeçares. Arrestimi i kësaj shtetaseje u bë pasi me datën 18.08.2020, ka kanosur, rrahur dhe me pas i ka shpërndarë videon në rrjetin socal instagram shtetases B. RR. Materialet i kaluan Prokurorisë së Rrethit Gjyqësor Shkodër për veprime të mëtejshme në ngarkim të shtetases M. Gj., për veprat penale ‘Kanosja’, ‘Dëmtime të tjera me dashje’ dhe ‘Ndërhyrja në të dhënat kopjuterike’”, njoftoi policia.
Videot
Një ditë më parë, në media e rrjetet sociale u publikuan pamje të dhunës fizike e verbale ndaj të resë, pasi kjo e fundit pranoi se kishte kryer marrëdhënie intime me partnerin e 30-vjeçares.
Sot u shpërnda një tjetër video, ku tregohej sërish dhuna e 30-vjeçares, e cila e bënte fajtore të renë se kishte shkuar me burrin e saj.
