Fëmijët janë shpërndarës të heshtur të koronavirusit të ri, sipas një studimi të kryer në fushën e pediatrisë, në funksion të rihapjes së shkollave.
“Në rast të një infeksioni asimptomatik, fëmijët mund të kenë një ngarkesë virale shumë të lartë që nga ditët e para, madje edhe më të lartë se ajo e të rriturve të shtruar në kujdesin intensiv”, vunë në dukje shkencëtarët e Spitalit të Përgjithshëm të Massachusetts, në studimin e botuar në Gazetën e Pediatrisë, të kryer mbi 192 fëmijë dhe të rinj nën 22 vjeç.
“Gjatë kësaj pandemie, ne testuam lëndë simptomatike, kështu që arritëm në përfundimin e gabuar që shumica e të infektuarve ishin të rritur. Megjithatë rezultatet tona tregojnë se fëmijët nuk janë të mbrojtur nga virusi. Ne nuk duhet t’i injorojmë ata si përhapësit e mundshëm të virusit”, tha pediatri italian Alessio Fasano.
Për të gjitha këto arsye, autorët e studimit theksojnë se, nëse shkollat rihapen pa masat e nevojshme, ka të ngjarë që fëmijët të luajnë një rol edhe më të rëndësishëm në pandemi.
Monitorimi i etheve dhe simptomave të studentëve nuk do të jetë i mjaftueshëm, ndaj studiuesit rekomandojnë marrjen e të gjitha masave për të përmirësuar infeksionin, siç janë distancimi, përdorimi i maskave, larja e duarve dhe mësimi përmes internetit përkrah atij në prani.
