Instituti Kombëtar i Shëndetësisë Publike të Kosovës (IKSHPK) raportoi të shtunën për 9 persona të vdekur dhe 169 raste të reja me COVID-19.
Shifrat e reja të të infektuarve dalin nga 455 testime, njofton IKSHPK.
Sipas të dhënave të fundit, numri i përgjithshëm i viktimave ka arritur në 457.
Komuna me numrin më të madh të rasteve të reja me COVID-19, është ajo e Prishtinës, ku janë regjistruar 34 raste, njofton Instituti.
Që prej 13 marsit – kur u regjistruan rastet e para me koronavirus në Kosovë – e deri më 22 gusht, në Kosovë janë regjistruar 12,337 të infektuar me koronavirus.
Prej tyre, 8,346 pacientë janë shëruar dhe 3,534 raste vazhdojnë të jenë aktive.
Një ditë më parë, Kosova raportoi 10 humbje jete dhe 162 raste të reja.
