Mbrëmjen e shkuar njeriu i letrave, teatrit dhe i kulturës italiane Dario Fo ka vdekur në spitalin Saço të Milanos në moshën 90 –vjeçare.
Dario Fo është fituesi i çmimit Nobel për Letërsinë në vitin 1997.
Kryeministri italian Matteo Renzi tha se Itali humbi një prej personaliteteve më të mëdhenj të kulturës italiane. “Me ikjen nga jeta të Dario Fo-së, Italia humbi një prej protagonistëve më të mëdhenj të teatrit, të kulturës dhe jetës civile të vendit tonë. Satira e tij, kërkimi dhe puna në skenë, aktivitetet e tij të gjithanshme artistike, janë trashëgimi e paçmueshme e një italiani për botën”, tha kryeministri Matteo Renzi.
Autori i “Mistero qesharak” fitoi çmimin Nobel në vitin 1997. Tre vite më parë ai kishte humbur bashkëshorten e tij Franca Rame, me të cilën kishte të përbashkët karrierën artistike dhe pasionet politike.
