Dy grabistës të armatosur kanë hyrë në një shtëpi në Maliq dhe kanë ushtruar dhunë dhe më pas kanë grabitur një sasi lekësh të një çifti.
Ata kanë qenë të armatosur. Sipas njoftimit të policisë ngjarja ka ndodhur rreth orës 02:00 në banesën e shtetasit Xh.Z., në fshatin Rov.
Me maska dhe me armë grabitësit janë përleshur me të zotin e shtëpisë. Ky i fundit ka marrë disa plagë të lehta, por është jashtë rrezikut për jetën.
Grabitësit e kanë qëlluar me sende të forta në prezencë të bashkëshortes së tij, thotë policia. Ata kanë mundur të marrin me dhunë, një sasi lekësh.
“Nga deklarimet e marra dy bashkëshortëve të cilët ndodheshin të vetëm në banesë, rezulton se dy personat, nuk kanë qenë të armatosur. Grupi hetimor po punon për zbardhjen e rrethanave, identifikimin dhe kapjen e autorëve, si edhe dokumentimin e plotë të ngjarjes”, thuhet në njoftimin e policisë.
