Ish-deputetja e PD-së Orjola Pampuri tha sot se edhe pse në prag të vitit të ri shkollor, një vit aspak normal për shkak të COVID- 19, qeveria ka lënë totalisht në harresë fëmijët me nevoja të veçanta.
“Shpenzimet për sigurimin e një arsimi cilësor për fëmijët në nevojë janë planifikuar më të ulëta se shpenzimet faktike të vitit 2015 për të gjithë periudhën 2018-2020. Sipas MASR sot ka mbi 300 mësues ndihmës, por është e rëndësishme të theksohet se këta mësues ndihmës nuk kanë formimin e duhur për rolin që ushtrojnë”, tha Pampuri.
Po ashtu, Pampuri shtoi se “në Shqipëri ende nuk ekziston një kurrikul e përshtatshme universitare për përgatitjen e mësuesve ndihmës me njohuritë, aftësitë dhe kompetencat profesionale që të mundësojë integrimin e fëmijëve me aftësi ndryshe në komunitetin e një klase të zakonshme”.
