Besa e Kavajës ka bërë lëvizjet e para në merkato, teksa ka konfirmuar nënshkrimin me tre futbollistë.
Dy lojtarë kanë lënë Besëlidhjen dhe do të luajnë me Besën këtë sezon. Bëhet fjalë për Igli Moqi dhe Eristotel Koleci. I pari është prodhim i Shkëndijës së Tiranës. Ai ka spikatur edhe me golat e shënuar, pasi i ka ndëshkuar kundërshtarët e lezhjanëve katër herë.
Për sa i përket Kolecit në të shkuarën ai ka qenë edhe pjesë e Kamzës dhe Tomorit.
Gjitashtu tekniku, Kashami, do të ketë nën urdhrat e tij edhe një sulmues, Jurgen Peqinin, autor i 9 golave vjet me Turbinën. Elbasani, Teuta dhe Erzeni janë skuadrat e tjera me të cilat ka luajtur 21-vjeçari.
