Mijëra banorë të disa fshatrave në Kukës janë izoluar për shkak të shembjes së rrugës në zonën e Kalimashit. Mësohet se një ‘përrua’ mineralesh i rënë nga mali pranë minierës së Kalimashti ka mbuluar trasenë e rrugës, e cila sic duket edhe në foto ka humbur pa gjurmë.
Kështu banorët e Mziut, Shëmrisë e Kalimashit janë izoluar dhe nuk kanë asnjë mundësi për të komunikuar me qytetin e Kukësit.
Sipas ekspertëve, shkak për rrëshqitjen e masivit të mineralit është bërë intensiteti i lartë i reshjeve të shiut.
Rrëshqitja ka ndodhur në aksin rrugor Kukës-Fushë Dukagjin aty ku kërkohet edhe ndërhyrja e mjeteve të rënda për të larguar mineralin e rënë në rrugë.
