Policia e Vlorës ka sekuestruar 324 kg kanabis, ndërsa ka arrestuar një person dhe ka shpallur në kërkim një tjetër.
I arrestuari është Aldrin Ramadani, ndërsa është shpallur në kërkim shtetasi me inicialet Z.T.
“Gjatë kontrollit të ushtruar në një stallë në fshatin Tragjas, përballë banesës së shtetasit Z.T., kanë gjetur të fshehur në të një sasi me lëndë narkotike me peshë totale rreth 269 kg (kilogram), të llojit Cannabis Sativa. Policia ka shpallur në kërkim shtetasin Z.T., si autorin e dyshuar në lidhje me posedimin e kësaj lënde narkotike, për të cilin po punohet për kapjen e tij”
Policia ka bërë arrestimin në flagrancë të shtetasit Aldrin Ramadani, për arsye se gjatë kontrollit të ushtruar në banesën e këtij shtetasi në fshatin Tragjas, Policia ka gjetur dhe sekuestruar një sasi tjetër me lëndë narkotike me peshë prej 55 kg (kilogram), të llojit Cannabis Sattiva”, deklaroi policia.
Vazhdojnë hetimet për identifikimin dhe kapjen e autorëve të tjerë të implikuar në veprimtarinë kriminale të fushës së prodhimit dhe shitjes së lëndëve narkotike.
