Ish-ministri i Brendshëm, Fatmir Xhafaj, vëllai i tij Geron Xhafaj dhe Drejtori i Përgjithshëm i Policisë së Shtetit, Ardi Veliu, tashmë do të jenë pjesë e hetimeve të Prokurorisë së Posaçme (SPAK), pas urdhërit të Gjykatës së Apelit për Korrupsionin dhe Krimin e Organizuar (GJAKKO).
Xhafaj, vëllai i tij dhe Veliu do të hetohen për akuzën e rëndë “grup i strukturuar krminal”. Ka qenë GJAKKO e cila ka vendosur të shfuqizojë vendimin e Prokurorisë së Krimeve të Rënda, e cila refuzoi të regjistrojë kallëzimin e bujshëm të bërë nga ish-gjyqtari i apelit Alaudin Malaj.
Kujtojmë që Malaj në tetorin e vitit 2019 ju drejtua Prokurorisë së krimeve të rënda, ku kallëzonte dhe kërkonte nisjen e hetimeve ndaj Fatmir Xhafajt, Geron Xhafajt dhe Ardi Veliut, pasi sipas tij ai ishte kërcënuar familjarisht dhe kërkonte mbrojtje shtetërore.
Por në atë periudhë Prokurori i çështjes vendosi të mos e regjistrojë kallëzimin me pretendimin se kishte “mungesë fakti”.
Pas këtij vendimi të Prokurorisë së Krimeve të rënda, ish-gjyqtari Malaj në dhjetor të viti të shkuar vendosi që çështjen ta depozitojë GJAKKO, e cila sëfundmi urdhëron SPAK që të nis menjëherë hetimet ndaj 3 personazve të lart përmendur.
Ish-gjyqtari Apelit në kallëzimin e tij pretendon se Policia e Shtetit nuk ka reaguar ndaj kërcënimeve që janë bërë në adresë të tij dhe familjarëve.
