Katër shqiptarë kanë dalë para Gjykatës në Itali, pasi dyshohet se janë pjesë e një organizate kriminale, të akuzuar për trafik ndërkombëtar kokaine.
Dritan Pano, 38 vjeç, Riza Baco, 38 vjeç, Aldo Gorgaj, 38 vjeç, Elton Zotaj, 36 vjeç po gjykohen nga drejtësia italiane në Vibo Valentia.
Prokuroria italiane tani ka kërkuar 169 vite burg për 17 të pandehurit.
Banda e trafikut të drogës kishte në radhët e saj venezuelianë, kolumbianë, shqiptarë dhe italianë. Ajo u shkatërrua nga policia vitin e kaluar fale operacionit te gjerë “Overing”.
Gjatë operacionit u sekuestruan mbi 600 kg kokainë, si dhe një rafineri për përpunimin e kokainës.
