Kombëtarja është para një prove zjarri, një ndër më të vështirat e kualifikueseve për Kampionatin Botëror “Rusi 2018”.
Në “Loro Boriçi”, kuqezinjtë presin Spanjën në takimin e tretë për Grupin G, pas fitoreve ndaj Maqedonisë dhe Lihtenshtejnit. Asnjë surprizë nga trajneri De Biazi në përzgjedhjen e lojtarëve që do ta nisin këtë duel. Sikurse pritej, tekniku italian u ka besuar këtyre lojtarëve: Berisha; Hysaj, Mavraj, Gjimshiti, Agolli; Xhaka, Lila, Memushaj, Roshi, Lenjani; Balaj. Në krahun tjetër, Julen Lopetegui duket se nuk ka aspak ndërmend të mbrohet, duke e rreshtuar skuadrën me skemën 3¬4¬3: De Gea; Ramos, Pike, Monreal; Buskets, Koke, Alkantara, Injesta; Vitolo, Kosta, Silva.
Shqipëria (4¬5¬1): Berisha; Hysaj, Mavraj, Gjimshiti, Agolli; Xhaka, Lila, Memushaj, Roshi, Lenjani; Balaj Trajner: Xhani De Biazi
Spanja (3¬4¬3): De Gea; Ramos, Pike, Monreal; Koke, Buskets, Alkantara, Injesta; Vitolo, Kosta, Silva Trajner: Julen Lopetegui
Gjyqtar: Bas Nijhuis (Holandë)
