Pas viteve 90 ndërtimi mori hov të madh zhvillimi. Krahas ndërtimit të veprave publike, ngritja e godinave të shërbimit dhe të banimit ishin më të “preferuarat” e kompanive të ndërtimit.
Sipas statistikave të disponuara nga TV SCAN, aktualisht vlera totale e xhiros së 10 kompanive më të mëdha në vend për 6 mujorin e parë të vitit kap vlerën e 19.1 miliardë lekëve.
Referuar këtyre të dhënave, kompania me xhiron më të lartë rezulton të jetë subjekti “Limak Insaat” me aktivitet “ndërtim hidrocentrali i Banjës” me një xhiro prej 3.8 miliardë lekë.
Në vendin e dytë renditet kompania “Gener 2” me aktivitet “ndërtime objekte dhe shërbime për nxjerrjen e naftës”, ndërsa në vendin e tretë renditet subjekti “Trema engeneering”, e cila zhvillon aktivitetin tij në ndërtim banesash.
Më pas në renditjen e 10 kompanive të më mëdha të sektorit të ndërtimit janë “Albstar”, kompania “Mane TCI”, “Kontakt”, “Gjoka Konstruksion”, “TID shpk”, “Agi Kons” dhe në vendin e 10 është kompania “Diteko”, me aktivitet prodhimi, “kompani koncensionare për ndërtimin e hec-ve”. /ScanTV
