Administratori i firmës private në Elbasan – ‘Alba Gaz’, ku një ditë më parë pati rrjedhje gazi dhe si pasojë 3 punonjës përfunduan në spital, është vënë në pranga.
Ai akuzohet për veprën penale: shkelja e rregullave të mbrojtjes në punë.
“Në vijim të informacionit të dhënë ditën e djeshme, për një subjekt privat në ish-kombinatin metalurgjik Elbasan, në të cilin, gjatë kohës që po punonin në ambientet e firmës, nga shpërthimi i gazit u plagosën tre punonjës, banues në Elbasan, të cilët janë jashtë rrezikut për jetën, bëjmë me dije se grupi hetimor, nën drejtimin e Prokurorisë, ka kryer të gjitha veprimet në vendngjarje”, njoftoi policia.
“Në përfundim të veprimeve hetimore, specialistët për Hetimin e Krimit në Komisariatin e Policisë Elbasan arrestuan në flagrancë, për veprën penale ‘Shkelja e rregullave të mbrojtjes në punë’, shtetasin: Y. P., 54 vjeç, banues në Elbasan, administratori i firmës”, shtuan të njëjtat burime.
Rrjedhje gazi në kompaninë private në Elbasan, 3 punonjës në spital
