Policia ka ushtruar forcë në përpjekje për të shpërndarë protestën para kryeministrisë, kundër vendimit të qeverisë për mos hapjen e lokaleve të natës.
Ky vendim, sipas pronarëve të bareve dhe lokaleve, dëmton rëndë ekonominë e personave që punojnë në këto biznese, që nga stafet e punonjësve e deri tek këngëtarët e muzikantët, duke qenë se këto aktivitete i kanë si burim kryesor të ardhurash.
Protestuesit kanë qenë më të paktë në numër se një ditë më parë, ndërkohë që policia ka shoqëruar me forcë disa persona.
Ministrja e Shëndetësisë, Ogerta Manastirliu njoftoi dje vendimin e qeverisë për mos hapjen e “klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, përveç restoranteve”.
