Kreu u Urgjencës Mjekësore Skënder Brataj ka reaguar në rrjetin social “Facebook” me një mesazh ndërgjegjësues ku i bën thirrje qytetarëve që të tregohen të kujdesshëm ndaj COVID-19.
Mjeku thotë se protokolli i mjekimit që qarkullon në rrjete sociale për COVID-19 me synimin se mund të ndihmojë sadopak qytetarët apo të afërmit e secilit prej tyre, nuk është i saktë.
Ai po ashtu thekson se ka gjëra mjekësore të cilat janë të ngatërruara dhe nuk shpjegohen nga specialistë të fushës. “Nuk ekziston Betadinë për shpëlarje fyti, betadina është një dizifektant për plagët”, shkruan Brataj.
Brataj thekson se fort faktin se asnjë person nuk duhet të marrë terapi nga çdokush aq më pak terapi nga interneti për koronavirusin.
Ai i bën thirrje qytetarëve që për çdo shqetësim të drejtohen te mjeku i familjes, mjekët e urgjencës apo tek specialistët infeksionistë.
Apeli i mjekut
JO MJEKIM INTERNETI!!!
Përshëndetje qytetar shqipëtar kudo ndodhesh.
Sot po qarkullon në rrjetet sociale një mjekim apo protokoll mjekimi i cili po shpërndahet nga të gjithë personat që mendojnë se do të ndihmojnë sadopak njerzit dhe të afërmit e tyre.
Jo terapi interneti, jo terapi nga çdo kush. Në atë mesazh ka gjëra mjeksore të ngatërruara, të shpjeguara jo nga specialist të fushës.
Nuk ekziston BETADINË për shpëlarje fyti, betadina është një dizifektant për plagët!
Terapia dhe medikamentet meren nën këshill mjeksore , pasi vlerësohen shenjat dhe simptomat, por mbi të gjitha kur vlerësohen parametrat jetësor si presioni i gjakut, frekuenca kardiake, frekuenca respiratore niveli i oksigjenit në gjak(saturimetria) që duhet të jetë në njerzit normal nga 94-100%, në ata me patología pulmonar jo më pak se 90%.
Nëse është më poshtë këtyre shifrave duhet dhënë oksigjen të sëmurit. Nëse saturimetria e oksigjenit është 43% siç thuhet në atë mjekim mund të jetë i pa përshtatshëm më me jetën, prandaj ju lutem jo terapi infterneti.
Mjeku i familjen, mjeku i 127, mjekët e urgjencave, specialistët si infeksionst dhe pneumolog janë profesionistët që në këtë moment mund tju këshillojnë pasi ti keni kontaktuar ata.
Çdo mjek që ju njihni ose keni besim në ta duhet ti kontaktoni, të këshilloheni dhe nëse ata ju këshillojnë ose ju drejtojnë te spesialist të tjerë atëher veproni.
Dr. Skender Brataj
