Me 6 vota pro, asnjë kundër, asnjë abstenim është miratuar raporti final i Komisionit të Venecias për presidentin Ilir Meta, lidhur me anulimin e datës së zgjedhjeve lokale nga kreu i shtetit.
“Me votimin e këtij raporti, dhe paraqitjen e raportit përfundimtar në Kuvend mbyllet veprimtaria e këtij komisioni hetimor”, tha Ulsi Manja, kryetari i komisionit.
Të majtët u përplasën në debat me njëri-tjetrin, por edhe me opozitën parlamentare në mbledhjen e sotme të Komisionit Hetimor për presidentin.
Deputeti socialist Bashkim Fino ka ironizoi qëndrimin e partisë së tij për t’u tërhequr nga nisma për shkarkimin e presidentit Ilir Meta duke deklaruar se po bëhen qesharakë duke dhënë një “vërejtje me shkrim për shokun Ilir”.
Edhe Vasilika Hysi nuk qe dakord me disa përfundime të Komisionit të Venecias por deklaroi se Kuvendi nuk mund të vlerësojë nëse shkeljet e presidentit Meta ishin me faj apo pa faj, duke ngritur domosdoshmërinë e ekzistencës së Gjykatës Kushtetuese.
Por nuk ishte i këtij mendimi deputeti Alket Hyseni i cili deklaroi se është faktuar që presidenti ka shkelur kushtetutën por jo aq sa u pretendua në fillim.
Në këtë mënyrë, mbyllet veprimtaria e Komisionit Hetimor për Presidentin e Republikës Ilir Meta.
