Qendra Spitalore Universitare Nënë Tereza ka reaguar lidhur me lajmin e një ditë më parë, atë të helmimit të disa nxënësve në Paskuqan.
Në njoftimin e saj për mediat, QSUT bën me dije se u paraqitën 7 nxënës të shkollës “Jashar Hoxha”, të cilët u observuan për disa orë.
QSUT bën me dije se nxënëset e helmuara ditën e djeshme në një shkollë 9 vjeçare në Paskuqan, nuk kanë përdorur drogë, pasi nga analizat e imtësishme toksikologjike ndaj tyre nuk u konstatua ‘asnjë sindromë klinik toksikologjik që të korrespondonte me ekspozime toksike apo lëndë psikodisleptike’.
Përgjigja e QSUT vjen një ditë pas ngjarjes që shkaktoi debate të shumta edhe në kuvend, ku ish-kryeministri Sali Berisha hodhi akuza se nxënëset ishin helmuar nga djegia e hashashit në ambientet e shkollës.
