Arsyeja përse Këshilli i Evropës rrëzoi tre kandidaturat e propozuara nga qeveria shqiptare për një vend në Gjykatën Europiane të të Drejtave të Njeriut në Strasburg, zbulohet sot zyrtarisht.
“Komiteti rekomandon që Asambleja të refuzojë listën në kuadrin e procedurave të përzgjedhjes kombëtare që nuk duket të kenë qenë në përputhje me standardet e kërkuara nga ana e Asambleja dhe Këshilli i Ministrave”.
Kështu thuhet në shpjegimin zyrtar që jep KiE në faqen e internetit “semantic-pace.net’.
Pra, refuzimi i kandidaturave të Sokol Berberit, Ina Ramës dhe Gent Ibrahimit është bërë pasi procedurat e përzgjedhjes së tyre në Shqipëri, nuk kanë qenë në përputhje me standardet e kërkuara nga Asambleja dhe Këshilli i Ministrave të BE-së.
Qeveria shqiptare përzgjodhi tre kandidatët për postin e anëtarit të Gjykatës Europiane të të Drejtave të Njeriut në Strasburg, Sokol Berberin, aktualisht anëtarit të Gjykatës Kushtetuese, ish-kryeprokuroren Ina Rama, si dhe eksperti i Reformës në Drejtësi, Gent Ibrahimi.
Nga tre emrat e propozuar nga qeveria shqiptare do të përzgjidhej një kandidat, i cili do të zëvendësonte gjyqtarin aktual shqiptar, Ledi Bianku./Panorama
