Kryeministri Edi Rama zhvilloi sot një takim me ricikluesit dhe krerët e bashkive në vend, për të diskutuar dhe krijuar ura bashkëpunimi me qeveritë vendore për t’i hapur rrugë zbatimit të ligjit që u miratua pak ditë më parë për importin e mbetjeve. Sipas Ramës, me ligjin e ri për menaxhimin e mbetjeve do të nisë edhe pastrimi i Shqipërisë.
Teksa ka theksuar edhe një herë se është bërë një kuadër ligjor që kufizon numrin e lëndëve që importohen. Kryeministri theksoi se kurrsesi nuk do importohen lënë për djegie apo groposje, teksa ka nënvizuar se përgjegjës do të jenë ministritë përkatëse dhe se kush shkel ligjin, do të përballet më pas me të.
“ Është një ligj për të cilin jemi të vetëdijshëm që jemi jo në përputhje të plotë me direktivën e BE pasi ligji ka kufizime specifike të vetëdijshëm nga ana jonë. Ligji është më i kufizuar, se në Kosovë, Mal i Zi, Bosnjë. Me ligjin e ri është e qartë që nga njëra anë ndalohet importi i plehrave dhe djegieve apo groposje. Që na ana vet e dimë të gjithë se është në një moment dramatik ose të pranoj fundin e vet në Shqipëri, që të shpall falimentin ose të marrë”, tha Rama. Shefi i ekzekutivit e quajti këtë “një marrëdhënie e re me mbetjet, një marrëdhënie e re me mjedisin”.
“Kush nuk ka një fabrikë riciklimi s’merr dot autorizim për të importuar këto lëndë të para”, nënvizoi Rama për ato që parashikon ligji.
Teksa iu përgjigj edhe kritikave që vijnë nga shoqëria civile, Rama tha se ballafaqimi mund të bëhet në cdo moment por me fakte dhe argumente në fushën e të vërtetës.
“Me atë pjesë të shoqërisë civile e ekzaltuar verbërisht për t’ju kundërvënë pa fakte jemi të gatshëm të diskutojmë dhe ballafaqohemi në fushën e të vërtetave …se 25 vjet kanë qenë më shumë se tepër për të rritur përtej racionales ndjeshmërinë e njerëzve për plehrat. Ajo që kemi bërë gjithë këtë periudhë ndoshta jo shumë e dukshme për qytetarët ne mund të themi se 80% e territorit është bërë investim për të kthyer nga fusha plehrash në fusha sanitare të riciklimit.
“Mafia nuk merret me riciklim, mafia merret me djegie dhe me groposje dhe është shumë e thjeshtë për mafien aty ku kontrollon fushat e plehrave apo industrinë e djegies, duhet që sa më shumë ton që cojnë në fushën sanitare të paguajnë nga buxheti i tyre…në zonën e Napolit s’mund të bësh dot debat lirshëm për riciklim dhe ndarje të mbetjeve në burim, se janë ballë për ballë me mafien”. Kreu i qeverisë nuk ka kursyer as ironitë, teksa iu drejtua kreut të Shoqatës së Ricikluesve, Bardhyl Baltza: ‘Mirë që keni bërë gjithë këto të këqija, dhe mua më keni dhënë 4 mln euro, keni krijuar gjithë këtë histeri’. Po me ironi, Baltza ia ktheu: ‘Po na i ktheni mbrapsht’.
