Një 16 –vjeçare është arrestuar nga Policia e Tiranës me akuzën e vjedhjes. Sipas uniformave blu, Malbora K., në bashkëpunim me një 23 vjeçar, me inicialet A.X kanë kryer disa vjedhje në kryeqytet.
Njoftimi i policisë:
“Arrestohet në flagrancë një shtetase dhe shpallet në kërkim një tjetër, për veprën penale Vjedhje. Zbardhen një sërë vjedhjesh banesash. Më datë 06.10.2016, specialistët e Komisariatit të Policisë Nr 5, kanë bërë të mundur arrestimin në flagrancë të shtetases: – Malbora K., 16 vjeçe, banuese në Tiranë, e dënuar më parë për veprën penale të “Vjedhjes”; si dhe është bërë shpallja në kërkim e shtetasit: A. X., 23 vjeç, banues në Fushë Krujë. Ndalimi i shtetases Malbora K. dhe shpallja në kërkim e shtetasit A. X., është bërë pasi në bashkëpunim me njëri – tjetrin, më datë 06.10.2016, kanë tentuar të vjedhin banesen e shtetasit S. H., në Kamëz”, thuhet në njoftimin e Policisë. Lista e vjedhjeve Më datë 29.02.2016, në dyqanin e shtetasit L. K., kanë vjedhur telefonin tip “iPhone”. Më datë 17.05.2016, në një dyqan shërbimesh telefonike, me operatore shtetasen J. B., kanë vjedhur një orë të markës “Mikyd Ëoc” dhe një shumë monetare. Më datë 29.07.2016, në banesën e shtetases B. K., kanë marrë një shumë monetare dhe disa bizhuteri. Më datë 30.07.2016, në banesën e shtetasit O. S., kanë vjedhur një shumë monetare dhe disa bizhuteri. Më datë 22.08.2016, shtetases M. S., kanë tentuar ti vjedhin çantën. Më datë 23.08.2016, shtetases N. C., i kanë vjedhur çantën bashkë me disa sende personale.
