Shqipëria ka dyfishuar rezultatin në minutën e 71 përballë Lihtenshtejnit me një gol me kokë sërish, këtë radhë nga Bekim Balaj.
Me golin e dytë, Shqipëria është një hap larg sigurimit të 3 pikëve të tjera për eliminatoret Rusi 2018.
Shqipëria e ka mbyllur me epërsinë e një goli pjesën e parë në “Rheinpark Stadion” të Vaduzit. Ka qenë Jahmir Hyka autori i golit të vetëm në këtë fraksion loje, të shënuar në minutën e 11-të.
Shqipëria e ka dominuar kundërshtarin në këtë 45 minutësh, ndërsa ka patur mundësi të mira dyfishimi me Azdren Llullakun, Odise Roshin dhe Bekim Balajn, por aksionet nuk janë konkretizuar siç duhet.
