Ministri i Brendshëm Saimir Tahiri prezantoi të mërkurën, një pjesë të makinave elektrike të markës “Volswagen”, të cilat do jenë në përdorim të policisë.
Por këto makina janë kthyer në objekt humori në mediat amerikane.
Rrjeti amerikan ABC News në faqen online ka publikuar një shkrim ku thekson se ministri i Brendshëm Sajmir Tahiri prezantoi me krenari flotën e vogël të makinave elektrike.
Por në stacionet e furnizimit me karburant në qytetet e Shqipërisë, nuk ka asnjë pikë furnizimi për makinat elektrike. Pra makinave elektrike u duhet të kthehen në stacionet e policisë për t’u mbushur, me shpresën që nuk do të ngelin rrugëve…
