Ish-kryeministri Sali Berisha akuzoi kryeministrin Edi Rama se fshihet pas kërcënimit të Prokurorit të Përgjithshëm Adriatik Llalla. Sipas ish-kryeministrit, Rama ka urdhëruar që të kërcënohet kryeprokurori që të mos hetohen aferat e tij.
“Kjo është reforma e tij si të shpëtojë Surrelin, pallatin në pajë, aferën e ÇEZ, lidhjet me krimin,si të shpëtojë nga prokurorët. I çon mesazhe me Shullazin, apo Dritan Dajtin apo Aldo Baren. Dhe ai detyrohet të largojë. Don Vito kur pyetet nga gazetarët, thotë: Nuk kam dijeni që është kërcënuar Prokurori, nuk kam asnjë dijeni. Asgjë nuk flet më shumë sesa mosdijenia e tij për autorësinë e kërcënimit nga Prokurorit të Përgjithshëm, ai akuzoi veten plotësisht. Por mirë mor i zi, i çove Shullazin, apo Aldo Baren Adriatik Llallës, i kërcënove fëmijët, familjen, e detyrove ti nxjerrë jashtë për të shpëtuar. A e di ti që kohërat funksionojnë për reformën, a e di që kjo reformë do të bëhet. Çfarë përpjekjesh të tmerrshme që bëri për të kapur SPAK-un, BKH, për ta pasur në zyrat e tij, nën Saje Qorrin. Çdo gjë pluhur. SPAK qëndron mbi parimet më të mira kushtetuese”, tha Berisha në Parlament.
