Fajin e ka ai që në vend të ndërgjëgjësimit përdori tmerrimin e qytetarëve me fjalime terroriste për 18 mijë të vdekur, male me kufoma etj etj, dhe ata tani si reagim i kundërt nuk duan t’ja degjojnë më emrin si terrorist”.
Mbi situatën më të fundit të Covid-19, në vendin tonë, kështu është shprehur ish-kryeministri Sali Berisha, i cili përmes një reagimi në Facebook, ka renditur argumentet e tij, duke fajësuar kreun e qeverisë për keqmanaxhimin e situatës.
Reagimi i plotë i ish-kryeministrit Sali Berisha:
Fajin e kanë qytetarët!
Fajin më së pari e ka ai që nuk mori asnjë masë për luftën kundër Covid-19.
Që la vendin pa teste e pa maska.
Që përdori dhunë, terror policor e ushtarak, tanke e gazra helmuese kundëer qytetarëve në vend të maskave dhe testeve në luftën kundër virusit.
Që në vend të ndërgjëgjësimit përdori tmerrimin e qytetarëve me fjalime terroriste për 18 mijë të vdekur, male me kufoma etj etj, dhe ata tani si reagim i kundërt nuk duan t’ja degjojnë më emrin si terrorist.
Që shndërroi me praktikën që ndoqi spitalet në bomba biologjike.
Që mashtroi dhe manipuloi gjer në neveri çdo shifër e të dhënë.
