Jose Mourinho pret që ta kthejë Tottenham-in te trofetë para se kontrata e tij me klubin të përfundojë.
Portugezi u bashkua me skuadrën e Premier League në nëntor të vitit të kaluar duke firmosur një kontratë tre vjeçare. Mourinho zëvendësoi Mauricio Pochettino pas një fillimi të vështirë të sezonit të argjentinasit.
Skuadrës londineze i mungon një trofe që nga viti 2008, kohë në të cilën fituan Kupën e Ligës. dhe kjo fushatë do të përfundojë gjithashtu pa asnjë.
Gjithsesi, Mourinho, ka deklaruar se suksesi nuk vjen menjëherë dhe këtë e tregoi Liverpoolin me Jurgen Klopp në krye.
“Sa kohë u desh për Jurgen dhe Liverpool?” u tha ai gazetarëve. “Katër vjet, katër sezone. Blerja e një prej portierëve më të mirë në botë, blerja e një prej mbrojtësve më të mirë në botë e kështu me radhë.”
“Unë jam i përqendruar në kontratën time tre-vjeçare. Unë besoj se në kontratën time tre-vjeçare ne mund të fitojmë trofe.
“Unë punoj për klubin. Nuk po mendoj për veten time. Vazhdoj të them që ambicia ime është e njëjtë, ADN-ja ime është e njëjtë, por e sigurt është se unë jam në fazën ku shikoj më pak për veten dhe rekordet e mia dhe tashmë mendoj më shumë për klubin që drejtoj.”
