Real Madrid ka mposhtur me rezultatin e pastër 2-0, skuadrën e Deportivo Alaves në ndeshjen e vlefshme për javën e 35-të të La Ligas.
“Los Blancos” e gjetën shpejt golin e avantazhit në minutën e 11-të, aty ku Benzema mori përsipër ekzekutimin e penalltisë dhe arriti ta kthejë në gol për 1-0.
Ndërkohë në pjesën e dytë ai që vendosi rezultatin përfundimtar ishte Asensio. Talenti spanjoll realizoi në minutën e 50-të të ndeshjes pas pasimit që mori nga francezi Benzema duke siguruar kështu fitoren e radhës për ekipin e tij.
Real Madrid e sheh tashmë veten gjithnjë e më pranë titullit kampion teksa ka një avantazh prej 4 pikësh nga Barcelona ndërsa kanë mbetur vetëm 3 javë për tu luajtur.
